Ученик на генерацијата 2022/2023

Бренд амбасадор за промовирање и афирмација на нашето училиште

И З В Е С Т У В А Њ Е

ЗА ЗAПИШУВАЊЕ НА УЧЕНИЦИ ВО ПРВО ОДДЕЛЕНИЕ ЗА

УЧЕБНАТА 2021/2022 ГОДИНА

ПОЧИТУВАНИ РОДИТЕЛИ

Ве известуваме дека запишувањето на ученици во прво одделение за учебната 2021/2022 година,ќе започне од 04.05.2021 година и ќе трае до 31.05.2021година

Родителот/старателот треба електронски да го пријави своето дете на линкот https://uslugi.gov.mk/.../zapishuvanje-na-dete-vo-prvo...

По направената електонска пријава потребно е да се закаже термин за интервју со детето со физичко присуство.

Со цел да се избегне можноста од групирање на повеќе лица,Ве молиме вашето доаѓање да го најавите на

тел.075/752-941 и 072/253-710.

При запишувањето задолжителни детето да биде придружувано од еден родител/старател и да се придржува кон протоколите за заштита- носење на заштитна маска.

Потребни документи за запишување:

1. Оригинален извод од матична книга на родени .

2. Потврда за примени вакцини,издадена од ЈЗУ Здравствен дом.

3. Потврда за извршен стоматолошки преглед од матичен стоматолог или упат за стоматолошки преглед издаден од матичен лекар,со што се задолжува родителот/стрателот, по извршениот стоматолошки преглед навремено да ја достави потврдата.

4. Потврда за извршен офталмолошки преглед од специјалист офталмолог,или упат од матичен лекар со што се задолжува родителот/старателот, по извршениот офталмолошки преглед навремено да ја достави потврдата во училиштето.

Комисија за запишување во прво одделение

ООУ „ТОДОР АНГЕЛЕВСКИ“ -Битола

Меѓународната студија ПИРЛС 2021

 На ден 02.03.2021 година во ООУ„Тодор Ангелевски“,Битола,беше реализирано пробното тестирање како дел од Меѓународната студија ПИРЛС 2021.Со тестирањето беа опфатени 20 ученици од IV 1 одделение на одделенскиот раководител Ивона Божиновска.Тестирањето се одвиваше во два дела со почеток од 10:00 часот со физичко присуство на учениците.Паралелката беше поделена во две групи од по 10 ученици,согласно со протоколот за работа во услови на пандемија.Тестирањето го надгледуваа двајца тестатори,одд.наставник Ивана Митевска и педагог,Билјана Поповска,како и резервен тестатор, Јасминка Стојановска. Тестирањето се одвиваше во најдобар ред,а учениците без проблем навреме ги завршија тестовите. По доставената листа за оценување на тестовите, наставничките од четвртите одделенија Ивона Божиновска,Јагода Мамузиќ и Виолета Рајчовска , навремено ги оценија тестовите. Истите во дадениот временски рок,согласно пропишаната процедура беа вратени до местото на подигање,односно до Општина Битола а од таму до ДИЦ.

Спремни го очекуваме главното тестирање кое треба да се реализира кон крајот на месец Април или почетокот на Мај.

Училишен координатор за ПИРЛС

С.Крстеска,психолог

Завршни сметки за 2020 година

Завршните сметки на училиштето за сметките 603, 785 -фонд за иновации,787 и 903.

HEAD ПРОЕКТОТ ВО ОOУ „ТОДОР АНГЕЛЕВСКИ“

Од оваа 2020/2021 година училиштето е дел од истражувањата на HEAD проектот

Со истражувањето се опфатени директорот,42 наставници од одделенска и предметна настава од централното училиште и 42 ученика од VII одделение.Истражувањето се одвива во два периоди.Првиот период од истражувањето завршува на 10.11.2020 година,додека вториот го очекуваме во второто тромесечие од оваа учебна година,односно пролетта 2021 година.

Што во основа е овој проект

Фондацијата за образовни и културни иницијативи „Чекор по чекор“ започна со реализирање на проектот HEAD- „Зајакнување на капацитетите на директорите на училиштата за градење инклузивна училишна култура“, за развој на заеднички вредности и социјална инклузија во образованието. Носител на проектот е Мрежата на центри за образовни политики NEPC од Загреб во конзорциум со 7 меѓународни организации, а со финансиски средства на ЕУ преку програмата ЕРАЗМУС. Фондацијата „Чекор по чекор“ е одговорна за проектните активности кои ќе се спроведуваат во основните училишта во нашава земја.

Проектот HEAD: „Зајакнување на капацитетите на директорите на училиштата за градење инклузивна училишна култура“ започна со реализација на 1 декември 2019 година и има за цел да се осврне на професионализацијата на директорите на основните и средните училишта во Хрватска и Северна Македонија, користејќи ги позитивните практики во оваа област од Словенија и Холандија.

ГЛАВНА ЦЕЛ НА ПРОЕКТОТ:

Обезбедување поддршка на училиштата во развој на инклузивна училишна култура.

СПЕЦИФИЧНИ ЦЕЛИ НА ПРОЕКТОТ:

Развој на програма за професионален развој на директори преку модуларизиран пристап. Главни обележја на програмата за обука се:

• насоченост кон личен и професионален развој
• насоченост кон демократско управување - вклучување на сите засегнати страни во управувањето
• насоченост кон сеопфатен училиштен развој - училишни политики, мисија и визија, професионален развој на наставници и стручни служби
• Разгледување опции засновани на докази за развој на политики за сеопфатен национален пристап кон подобрување на инклузивноста на училишната
• Градење коалиција за поддршка на процесот на градење инклузивна училишна култура.

Изготвил

С.Крстеска

Започнаа подготовките за тестирањето за Меѓународната студија ПИРЛС 2021 во О.У.„Тодор Ангелевски“ Битола

Со оваа меѓународна студија се проверува оспособеноста на учениците од 9-10 годишна возраст за читање со разбирање, а Република Северна Македонија во тестирањето ќе учествува заедно со околу 50 држави од целиот свет. Подготовките ќе траат до стартувањето на тестирањето и во истите се вклучени Бирото за развој на образование и Државниот испитен центар.Во училиштето со подготовките за студијата се опфатени учениците одIV(четврто) одделение:три паралелки во централното училиште;една во населба Стрелиште и една во населба Горно Оризари. Одделенските наставници од четврто одделение учествуваа на вебинарите организирани за таа цел,on line десемнации и бројни состаноци ,на кои стекнатите сознанија ги вметнаат во содржините на часовите по предметот македонски јазик.

Со овие активности беа опфатени наставниците:Оливера Клочовска-помошник координатор,Ивона Божиновска,Виолета Рајчова,Јагода Мамузиќ и Мирјана Кимева.

Акцентот на оваа студија е ставен на читањето со разбирање.

PIRLS Цели на читањето и процеси на разбирање

  

Цели за читање

Книжевно доживување

Добивање и користење информации

Процеси на разбирање

Фокусирање на и помнење експлицитно наведени информации

Изведување непосредни заклучоци

Способност да се разберат и да се користат различни форми на пишан материјал што опшетеството го бара или/и пак индивидуите го сметаат за важен. Младите читатели можат да конструираат мислење од различни видови текстови. Тие читаат заради учење, активно вклучување во средината на читатели и лично задоволство.

Тоа ги вклучува традиционалните пишани форми, како што се книги, списанија, документи и весници, како и дигитални форми како што се е-пораки, текстуални пораки, и интернет страници каде текстот често е интегриран во разни мултимедијални формати.

Училишен координатор

Соња Крстеска