HEAD ПРОЕКТОТ ВО ОOУ „ТОДОР АНГЕЛЕВСКИ“

Од оваа 2020/2021 година училиштето е дел од истражувањата на HEAD проектот

Со истражувањето се опфатени директорот,42 наставници од одделенска и предметна настава од централното училиште и 42 ученика од VII одделение.Истражувањето се одвива во два периоди.Првиот период од истражувањето завршува на 10.11.2020 година,додека вториот го очекуваме во второто тромесечие од оваа учебна година,односно пролетта 2021 година.

Што во основа е овој проект

Фондацијата за образовни и културни иницијативи „Чекор по чекор“ започна со реализирање на проектот HEAD- „Зајакнување на капацитетите на директорите на училиштата за градење инклузивна училишна култура“, за развој на заеднички вредности и социјална инклузија во образованието. Носител на проектот е Мрежата на центри за образовни политики NEPC од Загреб во конзорциум со 7 меѓународни организации, а со финансиски средства на ЕУ преку програмата ЕРАЗМУС. Фондацијата „Чекор по чекор“ е одговорна за проектните активности кои ќе се спроведуваат во основните училишта во нашава земја.

Проектот HEAD: „Зајакнување на капацитетите на директорите на училиштата за градење инклузивна училишна култура“ започна со реализација на 1 декември 2019 година и има за цел да се осврне на професионализацијата на директорите на основните и средните училишта во Хрватска и Северна Македонија, користејќи ги позитивните практики во оваа област од Словенија и Холандија.

ГЛАВНА ЦЕЛ НА ПРОЕКТОТ:

Обезбедување поддршка на училиштата во развој на инклузивна училишна култура.

СПЕЦИФИЧНИ ЦЕЛИ НА ПРОЕКТОТ:

Развој на програма за професионален развој на директори преку модуларизиран пристап. Главни обележја на програмата за обука се:

• насоченост кон личен и професионален развој
• насоченост кон демократско управување - вклучување на сите засегнати страни во управувањето
• насоченост кон сеопфатен училиштен развој - училишни политики, мисија и визија, професионален развој на наставници и стручни служби
• Разгледување опции засновани на докази за развој на политики за сеопфатен национален пристап кон подобрување на инклузивноста на училишната
• Градење коалиција за поддршка на процесот на градење инклузивна училишна култура.

Изготвил

С.Крстеска

Започнаа подготовките за тестирањето за Меѓународната студија ПИРЛС 2021 во О.У.„Тодор Ангелевски“ Битола

Со оваа меѓународна студија се проверува оспособеноста на учениците од 9-10 годишна возраст за читање со разбирање, а Република Северна Македонија во тестирањето ќе учествува заедно со околу 50 држави од целиот свет. Подготовките ќе траат до стартувањето на тестирањето и во истите се вклучени Бирото за развој на образование и Државниот испитен центар.Во училиштето со подготовките за студијата се опфатени учениците одIV(четврто) одделение:три паралелки во централното училиште;една во населба Стрелиште и една во населба Горно Оризари. Одделенските наставници од четврто одделение учествуваа на вебинарите организирани за таа цел,on line десемнации и бројни состаноци ,на кои стекнатите сознанија ги вметнаат во содржините на часовите по предметот македонски јазик.

Со овие активности беа опфатени наставниците:Оливера Клочовска-помошник координатор,Ивона Божиновска,Виолета Рајчова,Јагода Мамузиќ и Мирјана Кимева.

Акцентот на оваа студија е ставен на читањето со разбирање.

PIRLS Цели на читањето и процеси на разбирање

  

Цели за читање

Книжевно доживување

Добивање и користење информации

Процеси на разбирање

Фокусирање на и помнење експлицитно наведени информации

Изведување непосредни заклучоци

Способност да се разберат и да се користат различни форми на пишан материјал што опшетеството го бара или/и пак индивидуите го сметаат за важен. Младите читатели можат да конструираат мислење од различни видови текстови. Тие читаат заради учење, активно вклучување во средината на читатели и лично задоволство.

Тоа ги вклучува традиционалните пишани форми, како што се книги, списанија, документи и весници, како и дигитални форми како што се е-пораки, текстуални пораки, и интернет страници каде текстот често е интегриран во разни мултимедијални формати.

Училишен координатор

Соња Крстеска 

Распоред на часови за учебната 2020/2021 година

 

Протокол за постапување на основните училишта за реализација на воспитно-образовниот процес со физичко присуство на учениците

 

Почитувани ученици и родители!

Наставничкиот совет при

ОУ"ТОДОР АНГЕЛЕВСКИ" - БИТОЛА

 на денешниот состанок разговараше за препораките од страна на Министерството за образование и наука, поради моменталната состојба со пандемијата КОВИД-19, во насока на заштита за здравјето на учениците, вработените во училиштата и поширокото население, свидетелствата на учениците од прво одделение до 8 одделение, да се доделуваат на почетокот на месец септември, освен за учениците кои имаат потреба од нивно издавање во овој период од оправдани причини (заради префрлање во друго училиште, преселба итн).

Согласно овие препораки  на нашите ученици им посакуваме среќен летен распуст.

Да останеме сите здрави, живи,  да ги доделиме свидетелствата и да ја започниеме новата учебна година во нашето  ОУ "Тодор Ангелевски"

 на 1ви Септември. 

Со почит, 

Наставнички колегиум

 ОУ"ТОДОР АНГЕЛЕВСКИ" - БИТОЛА

Враќање на учебници

Соопштение!

Нашето училиште до 10 Март 2020 година ја оддржуваше својата редовна настава во училиште, од 11 Март воспитно образовната работа премина на т.н. далечинско учење, на почеток преку ФБгрупи, Google classroom платформата, а сега успешно функционираме преку двонасочна комуникација и примена на конференцискиот систем ZOOM .

На оваа платформа се приклучени сите наши наставници, стручни соработници и наши ученици кои функционираат на најдобар можен начин да нема прекин во нивното школување.

Ви соопштуваме дека на 9 и 10 Април се оддржаа Одделенските совети преку видеоконференциска врска, каде сите класни раководители имаа излагања т.е.даваа информации за нивните паралелки.

На 13 Април 2020 година преку видео конференциска ќе одржиме Наставнички совет на кој ќе се потврди успехот на сите наши ученици за трето тримесечие за учебната 2019/20 година.

Ве известуваме дека ЕВИДЕНТНИТЕ ЛИСТОВИ за успех за трето тримесечие ќе бидат доставени на Вашите email адреси на 16 Април 2020 год.

Нашето училиште одлично функционира со голем ентузијазам и во овие вонредни состојби, а се надеваме дека така и ќе ја завршиме успешно и оваа учебна година!

Ви посакуваме на сите добро здравје, и останете дома!

#УчиОдДома

#ОстаниДома

#StayHomeStaySafe

Од 13.04.2020 нова сатница за настава

Преку ЗООМ платформа непречено се реализира on-line наставата во ОУ „Тодор Ангелевски“-Битола

Непречено се  реализација  on-line наставата во ОУ „Тодор Ангелевски“-Битола токму преку ЗООМ платформа.  Владата  на Република Северна Македонија, на седницата, одржанана  23 март 2020тата година, донесе уредба со законска сила за примена на Законот за основно образование за време на вонредна состојба.  Врз основа на оваа уредба, „ОУ Тодор Ангелевски“-Битола  донесе одлука за организирање на настава  преку далечинско учење, односно учење од дома, со примена на средства за електронска комуникација со видеоконференциска  платформа ЗООМ . повеќе